Shkodër, liqeni tërhiqet 500 metra

Liqeni i Shkodrës është tërhequr më shumë se 500 metra nga zonat e përmbytura në Shkodër duke shënuar kështu një përmirësim të ndjeshëm të situatës së krijuar nga përmbytjet.

Zyrtarët e Shtabit të Emergjencës, lajmërojnë se rrugët gradualisht po bëhen të kalueshme për mjetet e rënda si pasojë e rënies së nivelit të ujit.
Dje pas mesdite dhe më pas gjatë natës, janë “zbuluar” trotuaret në shumicën e rrugëve të Shkodrës, të cilat ishin përmbytur nga uiji 40 cm deri në 80 cm prej mëse dhjetë ditësh.