Në grupin A të UEFA Europa League, Juventus ka barazuar 1-1 në fushën e Lech Poznan në një ndeshje që është luajtur në kushte shumë të vështira. Në një fushë të zbardhur nga dëbora djemtë e Delnerit e shohin veten në disavantazh pas 12 minutash lojë ku pas një goditje këndi Rudnevs kalon Poznan në avantazh. Për bardhezinjtë ka barazuar Iaquinta në minutën e 84. Kaq për Juventus që bëhet gati ti japë lamtumirën Europa League. Në ndeshjen tjetër të këtij grupi Manchesteri ka siguruar kualifikimin pasi ka mposhtur 3-0 Salzburgun.
Në grupin B Atletiko Madrid humbet në shtëpi 2-3 nga Aris dhe Bayer Leverkusen fiton në transfertë përballë Rosenborgut 0-1.
Belgët e Gentit mposhtin në shtëpi Levski e Sofies 1-0 në ndeshjen e vlefshme për grupin C të Europa League. Në ndeshjen tjetër midis Sporting Lisbonës dhe Lilla, portugezët imponohen 1-0.